開心到跳起

琴日我地終於完成左結婚前最重大的task---影結婚相Part II。之所以係最重大，因為參與的不止我倆，還要得到一班好友o既幫助先至做到。同上次影結婚相Part I一樣，琴日的天氣好到不得了(其實都幾熱下架，好在天文台唔準, 佢之前仲話就有雨, 擔心到我呀)。行程先到跑馬地去中環再去荃灣，由於我地著住禮服婚紗走來走去，所以無論我地去到邊都會成為焦點所在。例如我地在皇后像廣場影相時，便引來一班法國遊客的注意，佢地更熱情地同我倆一齊合照，並送上祝福(雖然我唔識法文，但從佢地親情o既笑容，我完全感受到果份誠意)。之後去到荃灣城門郊野公園，我地遇見三隻金毛尋回犬(好明顯佢地真係受過主人及小主人嚴格訓練, 乖到你唔信)；除左同狗仔影相，我地又同左對好可愛o既小妹妹同照(請留意我前面果個孖辮妹妹，佢得意o既情度係令人想立即生番個)。

可以順利完成，開心到跳起，真係要再一次多謝Elaine，仲有Sang, Amy, 家麗同埋Emily!!!

By the way：如果身邊有朋友要影結婚相，記得提佢第二日請假喎!! 如果無會點？你問下AKIMI囉! ^_^